Quando i schei gera pochi e ea fame tanta, i nostri noni i xé ndai via. Quei che xé restai gá messo in un canton el versór e nel garage xé rivá dee machine par far robe. Dal garage xé cressuo el capanon e tute e carte gaveva bisogno de uffici: xé rivae e machine da scriver. Ad un certo punto ne serviva i computer, che gavemo usà come machine da scriver. Ma ghe gera i programi, e ‘sti cancari de programatori, che no i capisse un casso de queo che femo e noialtri no capimo un casso de queo che fa lori. Se semo trovai dei foresti in fabrica che buttava dentro quee scatoe col schermo, robe che i ciama file co altre robe che i ciama programmi. Xé stá come lasar usar el versór sui nostri campi a chi ne eo vendeva. Na bea ciavada, come quee che ne gá tirà quei che vende ste machine e programmi che continuemo a no capir. Partimo dae basi: ve conto de queo che fa ‘ste robe e cossa domandar a quei che e sa usar.
Ea foto xé ciapada da qua
.jpeg){kind=link}