foto del post

Soto ghe xé ea ea traduzion dea sesta storia dea Federica. Staltre storie e trovè qua su storieviveevenete.

Ea foto xé ciapada da qua

Premesse visto i casini dee scorse storie: Mi no giudico, no condanno e no assolvo nissun. No sto daea parte de nissun. Gnanca sotto tortura ve disarò mai i nomi veri dee persone coinvolte. Mi ve conto sol a storia. E se lo fasso nea me lingua madre xe perché serte robe ciapa senso e spessore sol se resa in diaeto veneto. Xe come veder un film in lingua originae o uno doppià. Perde gusto. Se ve ne ciava qualcossa ghe xe na traduzion in italiano

Ve conto na storia. Na storia bruta anca questa. Tanto bruta che xe finia co denunce, arresti, processi, bagoi, casini, e besteme. Xente che se gà ciapà a corteae. Par gnente na storia bea. E tante besteme.

Mi conosso a version veneta dea facenda. Che però a un certo punto sconfina, va far un giro in Sicilia e dopo torna in Veneto. Na bruta storia come pol essarghene tante.

Ghe xe na parte de Veneto, tra do fiumi dove chea nebbia par avolgere no sol el paesaggio ma anca el cervello de serta xente. E co tei conossi te pol sol domandarte “ma quanto mona sio?” – “svejarse no eh?” – “ma come se fa credarghe a certe robe?”

Xe che quando dei mona generici incontra un mona pi grando che gà capio come far skei ciavando i mona pi picoi anca i mona generici deventa vittime e colpevoi nel stesso tempo. De base però sempre mona i resta. Xe che magari qualcun paga el so essar mona.

Ancò ve conto na storia bassa. Bassa come a tera. Bassa come chea parte del Veneto in mezo tra el Po e l’Adige dove che nebion e zanzare regna par la maggior parte dei giorni all’anno. Na storia de basso spessor, gnente de che. De mona, picoi e grandi. E de banditi.

Anca a tera xe bassa, se fa fadiga lavorarla, no a se pol comandar, gà i so ritmi e e so dinamiche ma a pol far skei. Tanti skei. Te pol piantar erba e nasse skei. Ma nasse skei anca se no te impianti un casso, e anca se tera no ti ghe n’hà proprio.

A tera de oggi penso sia quea pi dura da lavorar. Na soppa de ignoransa. In na zona depressa. Risparmiada anca daea prima ondata de Covid. Desmentegà da dio e spesso anca dai omani. Ma no da tuti ciò. El Polesine.

Ma xe terra dove che in tanti gà fato affari. Ciavando chealtri. Ghe iera na combricoea de consulenti. Ghe iera. Perché un pochi xe sparii, un pochi xe dadrio e sbare, altri xe isoeai casa e un par xe passai a miglior vita. A combricoea de sti consulenti se mete insieme verso inissi anni 2000 in na società che par comodità ciamo I SKEI DEA TERRA SRL. Sede legale 45030 Calto (Rovigo). A prima.

Nel corso del tempo a stessa compagine xe deventà I SKEI DEA TERRA 1 SRL – A TERRA DEI SKEI SRL – I NOVI SKEI DEA TERRA SRL – A TERRA DEI NOVI SKEI SRL ecc. ma a combricoea iera fatta sempre dai stessi.

MARIO agronomo e BEPI commerciaista. Oltre a iori do un certo LUIGI perito agrario, un par de ragionieri convertii al controeo de gestion, un par de segretarie e TONI. TONI xe el protagonista asoluto dea storia de oggi.

Nel corso dei tempi sti banditi xe riussii insinganar i contadini dee zone del Poesine. Che comunque no xe che i brillasse de inteigensa e de prontessa de suo. Ma xe colpa dea nebia.

All’inissio i banditi li gà coinvolti in tute chee nove coltivasion de moda prometendoghe vagonae de skei se i convertiva e produsion fasendoghe spendar na marea de skei: dall’erba medica passando pai lamponi, dae lumache par tirar su a bava par far creme, passando pal bambù e rivando aea spirulina.

Tuti prodotti spaciai come acqua de Lourdes che fa miracoi e che CO GNENTE fa ciapar na marea de skei. Tutta roba par cui, secondo iori no servia starghe drio, che bastava darghe na ociada ogni tanto e che produceva skei. E scimmie de mare praticamente.

E alora vanti a parlarghe e caressar e lumache perché e producesse bava, vanti a piantar e infestarse de bambù o metar tubi de plessiglass sui campi e vardar e alghe che ghe noa dentro. E puntualmente dopo anni e co iera ora del raccolto quei che dovea comprar erba medica, toneate de lamponi, bava, bambù e spiruina spariva e i contadini no i ciapava gnanca i 5 skei da mona.

E spariva anca i banditi dea I SKEI DEA TERRA SRL. Pa tornar co nome novo nel giro de 24 ore e col novo bisness miracoeoso che sensa far un casso assicurava na rendita impressionante. Ma ciava uno, ciava do, ciava tre anca el contadin del Poesine taca svejarse. E taca assarse insiganar sol co proposte dove che almanco no ghe iera da far fadiga, compra tubi e spendar skei de acqua o dedicarghe tempo ae lumache a farle strissar so speci de tapi rulant pa far produre bava contro e rughe.

E dal cilindro dea banda dei banditi vien fora i PSR (Piani de sviluppo rurale). Xe stà TONI che ripeto xe za ndatò a processo e xe drio scontar a so pena. De ometti come TONI ghe n’è na’ stamarea in giro e mi sinceramente go paura che col Recovery Fund ghe ne nassa presto tanti altri come porcini in Cadore coe prime piove. Ma questa xe n’altra storia. E secondo mi bruta anca questa.

Cossa ga fato TONI coi PSR? O mejo cossa voeveo far TONI coi PSR… Alora i PSR xe co-finansiai dall’Europa e dae Regioni e queste ultime gestisse el maloppo. Coi PSR se pol far tante robe: piantar albari, sistemar un terrassamento, lavorar so na zona svantagiata, dar el via a nove produsion, ecc. ecc. Tante robe.

Tante bee robe e se usai ben pol veramente dar na man ai agricoltori sposando in pien e linee guida dea PAC. TONI mete el naso so sto bisnes. E capisse che pol essar el salto de quaità. Basta erba miracoeosa, lamponi, bambù e spiruina.

Pecà che i PSR gà a parte finae de rendicontasion detajada e de controeo che verifica veramente el vero utiizo del finanziamento. Assa star massa fadiga. Massa carte da presentar. E po te sa mia chi che fa e verifiche… Gnente. Bel bisnes, tanti skei che gira ma massa pericoeosa a fase final.

Ma se TONI decide de far bisnes TONI no lo ferma nissun. E studiando – perché no tuti i mona xe stupidi e ignoranti e spesso i banditi sa de pi de chealtri– scopre n’altro bel strumento chel pol usar pai propri comodi e i so obietivi: i contributi diretti.

Tomboea. No i gà da essar giustificai secondo l’attività agricoea ma i vien concessi in base al tipo de terreno e estension de tera che te possiedi. Fatta. Agricoltor ciapa skei in base a quanti etari de tera gà. E co chei skei pol far quel che vol. N’dar in ferie, comprasse a machina nova, ndar a putane, sputanarsei soe machinete. E farse mandar in mona da quei che invesse co chei skei là gavaria fatto dei bei progetti, da quei co voja de far ben, de modernisarse, de usarli nee giuste maniere. Altro che brassi rubai all’agricoltura. SKEI CIAVAI ALL’AGRICOLTURA.

Manna dal cielo dio bello. Altro chea bava dee lumache, a erba medica, a spirulina o el bambù che te ghe ne impianti un ettaro ae sera e aea matina te si infestà e te te trasformi in na foresta del Vietnam.

In pi zontaghe che pa aver i contributi diretti te passi pa dei centri de assistensa agricoea che no gà obbligo de verificar quante proprietà de terreni te possiedi e allora te pol dirghe sensa problemi che te si proprietario de 20,200, 2000 etari e de Parco dea Vitoria a Monopoi.

E se TONI te iuta, te pol deventar proprietario momentaneo de tera de nissun… o mejo dove nissun gà domandà contributo. Bingo. Ciapà a cuccagna. Se qualcun no se mete pa traverso. Perché in Poesine oltre i banditi dea I SKEI DEA TERRA SRL ghe xe anca altre società de consuenti che laora ben a favore dei agricoltori e in generae dee imprese. Fasemo che ghe sia tra queste na società che se ciama PAL BEN DEA TERRA. Ditta individuae. De un certo PIERO.

Piero xe uno de quei bravi. Che se fa in quattro come consulente. Che a tera la conosse. Ma a diferensa de quei de I SKEI DEA TERRA no fa convegni nee varie associasion de categoria, no gà entrature poitiche, no gà mega ufici co targhe e segretarie. Piero xe el consuente cojon veneto che sta sempre e sol daea parte dee imprese. Come ghe n’è tanti. Come dovaria essar tutti.

Piero sa a storia dei contributi diretti. E pa nome e par conto del so cliente TISSIO a cui xe drio farghe consulenza pa modernizar a coltivassion dell’ajo va domandar al centro de assistensa agricoea el giusto contributo.

Piero se incassa. Tanto. E anca TISSIO. E i se mete a ricerca de CAIO. Gira e rigira i riva a CAIO. Ghe xe na signora MARIA de Arian che gà un orto grando come un spuo fato da do gombine, na casetta modesta, mezo ettaro de gelsi e che coltiva BACCHI DA SETA. E i va trovar a signora MARIA.

Toni xe un ometto distinto che xe venuo da mi anni fa. No so mia se xe da Badia o da Calto. Un de qui che parla ben. Distinto. Fasea parte de na società che se ocupava de supporto ai agricoltori tramite i skei dea Region e dell’Europa.

Me gà dito che lu xe in grado de farme ottegner finansiamenti europei, contributi a fondo perduto, skei sensa pagar, me gà spiegà i affari che se podea far coi bachi da seta … me gà domandà un poche de carte de a me azienda, gà vossuo un fià de firme de delega e 2000 euro par la pratica. E basta. Dopo qualche mese lo go sercà par saver quando i me rimborsava i skei del kit ma no semo mai stà in grado de trovarlo. O go dato pa spario. O morto.

TONI xe riussio mettar su centenari de ettari de tera e far su sentenari de migliaia de euro de contributi europei sensa aver mai avuo gnente a che fare coea tera. Perché a xe bassa e se fa fadiga lavorarla. Ma no quea de chealtri.

TONI se xe costruio na rendita coe tere de MARIA-CAIO e molto probabilmente anca de tante altre aziende. Gà capio che a tera fa skei e a metà dei anni 2010 co un bottino de 300 etari de altri gà otenuo quasi un milion de euro de fondi europei.

Come gà fato? Gà sfruttà el fato che i controi xe previsti sol sui contributi superiori ai 150mia euro anno ma basta star sotto e ciao controi. E se nissun domanda contributo su un teren chiunque pol domandarghe. E TONI cossita gà fato.

A MARIA nostra ghe dà a Piero a specie de contrato che gà firmà co TONI. Piero raccoglie tanti contratti tipo quei dea Maria. Tutti fatti da TONI. So carta intestà dea società I SKEI DEA TERRA SRL e dee successive che nasseva daea matina aea sera sempre col stesso indirisso, col civico diverso, intestà sempre aea banda dei banditi.

Piero taca sentir e storie de quei che nel Poesine gà avuo a che far coi banditi de I SKEI DEA TERRA… uno che gà cambià tuti i tratori perché TONI ghe gà dito che riussiva portarghe casa contributo europeo pa comprar macchinari, uno che gà piantà BAMBU’ co un finansiamento europeo che jera drio spetar. Più o meno a stessa musica. Stonada. E bruta. Piero va denunciar Toni. Porta aea GDF tutte e carte.

GDF taca far el so lavoro. I va far un salto dai SKEI DEA TERRA NUOVO NOME. Porta via raccoglitori de carte. De TONI però gnanca l’ombra. TONI però no xe pi in Veneto. Se gà trasferio in Sicilia. Mejo del clima de nebia e zanzare del Poesine.

Trasferimento de attività. Ma sempre stessa metodologia. Bandito al nord come bandito al sud. Prima te ciavi i tui e dopo chealtri. Stessa magia che sol vardando i macchinari usai torna novi, sovrafatturasion, fornitori esteri fittissii, stesse promesse de portar casa fondi europei, ecc. ecc E giro de fature pa operasion inesistenti.

Fatture de docensa, tutoraggio, consuenza, collaborasion varie… acquisti de roba… sol su carta e soprattutto de importo inferiore rispetto a quel scrito in fatura. Ma TONI xe sgajo ciò. Fa el salto de quaità in Sicilia.

Falsi corsi de formasion co partecipanti all’oscuro iscritti a registro, firme false… false dichiarasion da parte dei fornitori che dichiara falsi come a morte de aver ricevuto in contati el pagamento… costi gonfia coi contratti ciavi in man sensa dover dar giustificasion dee singole voci di spesa…

Tutto pa ciavar l’Europa. TONI e a so società in Poesine iera bravissimi a far na roba. Sempre dea serie che quel Alto che gà trasformà acqua in vin iera un dietante … TONI sol vardando un machinario lo fasea deventar novo visto che i fondi comunitari finansia sol acquisto de roba nova.

TONI però in Sicilia pesta i pie a massa xente che fa el so stesso lavoro… e xe costretto scampar e torna su in Poesine. Se torna sempre casa. Ma casa te speta qualcun che in qualche maniera te fa pagar quel che te gà combinà. E chel qualcun te vien tor casa e te porta drito in Strada Regionale 443 Dir. N. 2 e da la taca tutto… tutto quel che se trova anca oggi sui giornai del Veneto e dea Sicilia so come se riesse truffar i agricoltori coi skei de l’Europa. End.

PS: Mi co quel che gò ciamà Piero… ghe lavoro.

Traduzion

Premesse visti i casini delle scorse storie: Io non giudico, non condanno e non assolvo nessuno. Non sto dalla parte di nessuno. Neppure sotto tortura vi dirò i nomi delle persone vere coinvolte. Io vi racconto solamente una storia. E lo faccio nella mia lingua madre perché certe cose prendono senso e spessore solo se dette in dialetto veneto. E’ come vedere un film in lingua originale e uno doppiato. Perde gusto.

Vi racconto una storia. Anche questa una storia brutta. Tanto brutta che è finita con denunce, arresti, processi, casini e bestemmie. Gente che si è accoltellata. Per nulla una bella storia. E tante bestemmie.

Io conosco la versione veneta della faccenda. Che però ad un certo punto è sconfinata, è andata a fare un giro in Sicilia per dopo tornar in Veneto. Una brutta storia come ce ne possono essere tante.

C’è una parte di Veneto, tra due fiumi dove la nebbia non sembra avvolgere solo il paesaggio ma sembra essersi impadronita anche del cervello di certa gente. E quando la conosci questa gente non puoi che chiederti “ma quanto mona siete?” – “svegliarsi no eh?” – “ma come si fa a credere a certe cose?”

Il problema è quando dei mona generici incontrano un mona più grande che ha capito come fare soldi truffando i mona più piccoli anche i mona generici diventano vittime e colpevoli allo stesso tempo. Di base però restano sempre dei mona. E’ che qualcuno magari paga il suo essere mona.

Oggi vi racconto una storia bassa. Bassa come la terra. Bassa come quella parte di Veneto in mezzo tra il Po e l’Adige dove nebbia e zanzare regnano per la maggior parte dei giorni dell’anno. Una storia di basso spessore, nulla di che. Di mona, piccoli e grandi. E di banditi.

Anche la terra è bassa, si fa fatica a lavorarla, non si può domare, ha i suoi ritmi e le sue dinamiche ma può produrre soldi. Tanti soldi. Puoi piantare erba e nascono soldi. Ma nascono soldi anche se non pianti nulla e anche se terra non ne hai proprio.

La terra di oggi penso sia la più difficile da lavorar. Una zolla di ignoranza. In una zona depressa. Risparmiata anche dalla prima ondata del Covid. Dimenticata da dio e spesso anche dagli uomini. Ma non da tutti. Il Polesine.

Ma è terra dove in tanti hanno fatto affari. Fregando gli altri. C’era una combriccola di consulenti. C’era. Perché alcuni sono spariti, altri sono dietro alle sbarre, altri ai domiciliari e alcuni sono passati a miglior vita. La combriccola di questi consulenti si mette assieme agli inizi degli anni 2000 in una società che per comodità chiamo I SKEI DEA TERRA SRL. Sede legale 45030 Calto (Rovigo). La prima.

Nel corso del tempo la stessa compagine diventa I SKEI DEA TERRA 1 SRL – A TERRA DEI SKEI SRL – I NOVI SKEI DEA TERRA SRL – A TERRA DEI NOVI SKEI SRL ecc ma la combriccola è sempre fatta dagli stessi personaggi.

MARIO agronomo e BEPI commercialista. Oltre a loro un certo LUIGI perito agrario, un paio di ragionieri convertiti al controllo di gestione. Un paio di segretarie e TONI. TONI è il protagonista assoluto della storia di oggi.

Nel corso degli anni questi banditi sono riusciti a raggirare i contadini delle zone del Polesine. Che non brillavano certo di intelligenza e scaltrezza di loro. Ma è colpa della nebbia.

All’inizio i banditi li hanno coinvolti nelle nuove moderne coltivazioni promettendo vagonate di soldi se convertivano le produzioni facendogli spendere tantissimi soldi: dall’erba medica passando per i lamponi, dalle lumache per recuperare la bava per la cosmetica, passando per il bambù e arrivando alla spirulina.

Tutti prodotti spacciati come acqua di Lourdes che fa miracoli e che con nulla fanno ottenere tantissimi soldi. Tutte cose che, secondo loro, non necessitavano di grande impegno, bastava dargli giusto uno sguardo ogni tanto e producevano soldi. Come le scimmie di mare.

E allora via a parlare ed accarezzare le lumache perché producessero bava, via a piantare bambù e ad infestarsi o mettere tubi di plexiglas sui campi e osservare le alghe che ci nuotavano dentro. E puntualmente dopo anni, quando era ora del raccolto, quelli che dovevano acquistare l’erba medica, le tonnellate di lamponi, bava, bambù e spirulina sparivano e i contadini non prendevano neppure i 5 skei de mona.

E sparivano anche i banditi della società I SKEI DEA TERRA SRL. Per ritornare nel giro di 24 ore con un nuovo nome e un nuovo business miracoloso che senza far nulla assicurava una rendita impressionante. Ma frega uno, frega due, frega tre anche il contadino del Polesine inizia a svegliarsi. E inizia a lasciarsi incantare solo da proposte in cui non c’era da far fatica, investire soldi, comprare tubi o dedicare tempo a far strisciare le lumache su specie di tapis roulant per produrre la bava per i cosmetici antirughe.

Dal cilindro della banda dei banditi spuntano fuori i PSR Piani di sviluppo rurale. E’ stato TONI, che ripeto è già andato a processo e sta scontando la sua pena. Di uomini come TONI ce ne sono tantissimi in giro e io sinceramente temo che con il Recovery Fund ne nasceranno tanti altri come fossero porcini dopo le prime piogge in Cadore. Ma questa è un’altra storia. E secondo me brutta anche questa.

Cosa ha fatto TONI coi PSR? Cioè cosa pensava di fare TONI… I PSR sono cofinanziati dall’Europa e dalle Regioni e queste ultime gstiscono la parte finanziaria. Con i PSR si possono fare tante cose: piantare alberi, sistemare terreni, lavorare su zone svantaggiate, dar via a nuove produzioni, ecc. ecc. Tante cose.

Tante belle cose e se usati in modo corretto possono veramente dare una mano agli agricoltori sposando appieno le linee guida della PAC. TONI mette il naso su questo business. E capisce che potrebbe rappresentare il salto di qualità. Basta erba miracolosa, lamponi, bambù e spirulina.

Peccato però che i PSR prevedano una parte finale di rendicontazione dettagliata e di controllo di verifica relativamente al vero utilizzo del finanziamento. Meglio lasciar perdere, troppa fatica. Troppe carte da presentare. E poi non si sa mica chi fa le verifiche. Niente. Bel business, tanti soldi che girano ma troppo pericolosa la parte finale.

Ma se TONI decide di fare business TONI non lo ferma nessuno. E studiando – perché non tutti i mona sono stupidi e ignoranti e spesso i banditi sanno più degli altri – scopre che c’è un altro bel strumento che può utilizzare per i suoi scopi e i suoi obiettivi: i contributi diretti.

EUREKA. Non devono essere giustificati secondo l’attività agricola ma vengono concessi in base al tipo di terreno e in base all’estensione della terra posseduta. Fatta. Gli agricoltori prendono soldi in base a quanti ettari di terra hanno. E con quei soldi possono fare tutto quello che desiderano. Andare in ferie, comprarsi auto nuova, vivere piacevoli momenti con le prostitute, spenderli tutti alle macchinette. E farsi benedire da quelli che invece con quei soldi la avrebbero fatto bei progetti, da quelli con voglia di far bene, di modernizzarsi, di usarli nel modo corretto. Altro che braccia rubate all’agricoltura. SOLDI FREGATI ALL’AGRICOLTURA.

Manna dal cielo dio bello. Altre che la bava delle lumache, l’erba medica, la spirulina o il bambù che ne pianti un ettaro alla sera e al mattino ti trovi infestato e ti sembra di stare in una foresta del Vietnam.

A questo aggiungi che per avere i contributi diretti si passa per i centri di assistenza agricola che non hanno obbligo di verificare le reali proprietà di terreni e tu puoi dire senza problemi che sei proprietario di 20,200, 2000 ettari e di Parco della Vittoria al Monopoli.

E se TONI ti aiuta puoi diventare proprietario momentaneo di terra di nessuno … o meglio di terra per cui nessuno ha chiesto il contributo. Bingo. Assalto alla cuccagna. Se qualcuno non mette i bastoni tra le ruote. Perché in Polesine oltre ai banditi de I SKEI DEA TERRA SRL ci sono anche altre società di consulenti che lavorano bene a favore degli agricoltori e in generale delle imprese. Facciamo che tra queste ci sia una società che si chiama PAL BEN DEA TERRA. Ditta individuale. Di un certo PIERO.

Piero è uno di quelli bravi. Che si fanno in quattro come consulente. Cha la terra la conosce. Ma che a differenza di quelli de I SKEI DEA TERRA non è relatore ai convegni delle varie associazioni di categoria, non ha appoggi politici, non ha mega uffici con targhe e segretarie. Piero è il classico consulente coglione veneto che sta sempre pe solo dalla parte delle imprese. Come ce ne sono tanti. Come dovrebbero essere tutti.

Piero conosce la storia dei contributi diretti. E nel seguire il suo cliente TISSIO a cui sta facendo una consulenza per modernizzare la coltivazione dell’aglio va a chiedere al centro di assistenza agricola il dovuto contributo.

  • No Piero per questa terra sono già stati assegnati i contributi…
  • Cosa ?
  • Si qua risulta che l’azienda CAIO intestataria dei terreni mappale x, x, ecc. ecc. ha ottenuto contributi per…
  • Cosa ? Piano. Fermi tutti. Azienda CAIO ? Questa è la terra di TISSIO non di CAIO…
  • Non so cosa dirle Piero…

Piero si arrabbia. Tanto. E anche TISSIO. E si mettono alla ricerca di CAIO. Gira e rigira arrivano a CAIO. ghe è una certa signora MARIA di Ariano che ha un piccolo orto fatto da due pezzettini di terra, una casetta modesta, mezzo ettaro di gelsi e che coltiva BACCHI DA SETA. E vanno a trovare la signora MARIA.

  • Ehi Maria, come va con i bacchi da seta?
  • Sta zitto, dio caro. Sto ancora pagando il kit di avviamento. Dovevo diventare una mercante della seta e fare fortuna e invece continuo a pagare soldi e basta … ma se trovo TONI è un uomo morto.
  • Chi è TONI ?

Toni è un ometto distinto che è venuto da me anni fa. Non mi ricordo se fosse da Badia o da Calto. Uno di quelli che parlano bene. Distinto. Faceva parte di una società che si occupava di dar supporto agli agricoltori con i contributi della Regione e dell’Europa.

Mi ha detto che lui era in grado di farmi ottenere finanziamenti europei, contributi a fondo perduro, soldi senza pagarli, mi ha spiegato gli affari che si potevano fare con i bacchi da seta. Mi ha chiesto di firmargli delle carte, delle deleghe e 2000 euro della pratica. E basta. Dopo qualche mese l’ho cercato per sapere quando mi rimborsavano i soldi del kit di avvio ma non siamo mai stati in grado di trovarlo. L’ho dato per disperso. O per morto.

  • Grazie Maria, adesso ho capito.
  • Cosa hai capito Piero ?
  • Tissio, ti spiego cosa ha fatto Toni. Andiamo a bere qualcosa va.

Toni è riuscito a mettere su centinaia di ettari di terra e fare su centinaia di migliaia di euro di contributi europei senza aver mai avuto nulla a che fare con la terra. Perché la terra è bassa e si fa fatica a lavorarla. Ma non con quella degli altri.

TONI si è costruito una rendita con i possedimenti di MARIA-CAIO e molto probabilmente anche con quella di tante altre aziende. Ha capito che la terra fa soldi e alla metà degli anni 2010 con un bottino di 300 ettari di altri ha ottenuto quasi un milione di euro di fondi europei.

Come ha fatto ? Ha sfruttato il fatto che i controlli sono previsti solamente sui contributi superiori ai 150mila euro anno ma basta star sotto questa soglia. E se nessuno domanda contributo su uno specifico terreno chiunque può richiederlo. E TONI ha fatto così.

La nostra MARIA dà a PIERO la specie di contratto che ha firmato con TONI. Piero inizia a raccogliere tanti contratti tipo quello della signora Maria. Tutti fatti da TONI. Su carta intestata della società I SKEI DEA TERRA e delle successive che nascevano dalla mattina alla sera, sempre con sede allo stesso indirizzo, civico diverso, sempre della stessa banda di banditi.

Piero inizia a sentire le storie di quelli che in Polesine hanno avuto a che fare con i banditi de I SKEI DEA TERRA .. uno ha cambiato tutti i trattori perché TONI gli ha assicurato che riusciva a portargli a casa un contributo europeo per cambiare i macchinari, uno ha piantato bambù con un finanziamento europeo che stava aspettando. Più o meno tutti la stessa musica. Stonata. E brutta. Piero va a denunciare Toni. Porta tutte le carte alla Guardia Di Finanza.

GDF inizia a fare le varie indagini. Vanno presso la sede de I SKEI DEA TERRA NUOVO NOME. Portano via raccoglitori di carte. Di TONI però non si sa nulla. TONI non è più in Veneto. Si è trasferito in Sicilia. Clima migliore rispetto alla nebbia e alle zanzare del Polesine.

Trasferimento di attività. Ma sempre stessa metodologia. Bandito a nord e bandito al sud. Prima freghi i tuoi compaesani e dopo gli altri. Stessa magia che solamente guardando i macchinari usati riesce a farli tornare nuovi, sovrafatturazioni, fornitori esteri fittizi, stesse promesse di ottenere fondi europei, ecc. ecc. E giro di fatture per operazioni inesistenti.

Fatture di docenza, tutoraggio, consulenza, collaborazioni varie, acquisti di materiale … solamente su carta e soprattutto di importo inferiore a quello risultante dalle fatture. Ma TONI è furbo. Fa il salto di qualità in Sicilia. Falsi corsi di formazione con partecipanti all’oscuro di tutto iscritti ai registri, firme false, false dichiarazioni da parte di fornitori che dichiarano, falso come la morte, di aver ricevuto pagamenti in contanti … costi gonfiati con contratti chiavi in mano senza dover giustificare le singole voci di spesa.

Tutto per fregare l’Europa. TONI e la sua società in Polesine erano bravissimi a far queste cose. Sempre per la serie che quello Alto che ha trasformato l’acqua in vino era un dilettante .. TONI solamente guardando un macchinario lo faceva diventare nuovo visto che i fondi comunitari finanziano l’acquisto di beni nuovi.

Ma TONI in Sicilia pesta i piedi a troppa gente che fa il suo stesso lavoro ed è costretto a scappare e torna su in Polesine. Si torna sempre a casa. Ma a casa lo aspetta qualcuno che in qualche modo ti fa pagare tutto quello che hai combinato. E quel qualcuno ti viene a prendere a casa e ti porta diritto in Strada Regionale 443 Dir. N. 2 e da li inizia tutto … tutto quel che anche oggi si trova sui giornali del Veneto e della Sicilia su come si riescono a truffare gli agricoltori usando i soldi dell’Europa.

Fine.

PS: io con quello che ho chiamato Piero… ci lavoro.