Semo grezi ma no ignoranti. Ghemo fato campi e capolavori. Qua meto un fià de apunti de chel bravo (e inteigente) fio che xé Matteo Scarpa.
El mondo dell’informatica se divide in quei che trapoea co e robe moe (fadiga con software) e quei che trapoea coe robe dure (el hardware).
Bon, gavemo anca quei che trapoea co tuti do ma intanto i metemo in canton parché i xé cativi e i fa soeo che confusion.
A sta distinsiòn ghe zontemo naltra: i dati. I xé calcòsa più tacà ae robe moe ma no i xé software ma gnaca robe dure, e no e xé de sicuro hardware.
De soito nea informatica i dati xé quee robe che ti dà da magnar al software co l’hardware e xé queo chel software manda indrio e ti pol ciaparlo o desider de far robe co l’hardware.
Par star tranquii ciamemo sistema quea roba che dopara software cò hardware par far robe. De soito e xé robe bastànsa intrigae o adiritura più robe messe insieme parecio bibioxe, ma che e pol anca èser na roba unica come un tablet, tipo ipad, un dron, na smartcar o na smartTV.
El giro chel vien ve dago na definisòn un fià pratica de hardware e software.
Ea foto xé ciapada da qua
